鍾嘉欣把《詭嬰》讀錯《危嬰》

鍾嘉欣昨天出席雜誌頒獎禮活動，一口氣連奪「全能女藝人」及「全能女歌手」等三個獎。其後，兼任頒獎嘉賓的她，當頒發電影獎項予《詭嬰》時卻錯讀成《危嬰》，事後一度死撑冇讀錯，後來跟記者了解後才自圓其說：「唔緊要啦，我中文唔好，不過入行之後已經好好多喇。」
談到今晚舉行台慶頒獎禮，嘉欣表示本身性格怕醜和被動，唔識拉票，但男友伍允龍已經投她一票。對於得獎與否，她表示：「我有信心，只係獎項唔到自己控制，得唔到獎唔係句號，只會繼續係問號，我仲有好多機會。」
此外，在《On Call 36小時II》有不俗表現的岑麗香將「升呢」做女主角，一綫花旦又再爭持激烈。同場的胡定欣表示沒有不開心，她說：「每個人的運程都唔同，呢一行唔係鬥快，有幸可以好快上位係種福氣，自己做咗十年，經歷好多，最緊要出來質素好。」定欣又自言並非靠緋聞上位，相信香香都不會是。