Chilam否認攞獎句句有骨

張智霖（Chilam）前晚未能奪走視帝寶座，當他上台接受「最受歡迎電視男角色」獎，其「義氣仔女論」更被指句句有骨。完成當晚節目後，Chilam匆匆離開，在電視城門外接受冒雨為他打氣的粉絲道謝，並趕往北角與太太袁詠儀吃飯慶祝。
賽前大熱的「Cool魔」張智霖，結果如他所言「大熱真係倒灶」，視帝輸給缺席的黃子華。頒獎禮完成後，Chilam與其他幾位得獎者齊接受《東張西望》直播訪問，然後他未有返回後台，便匆匆飛撲到電視城外，與粉絲開香檳賀得獎。
願賭服輸奉上手鈪
Chilam在台上表示親生仔固然可愛，但義氣仔女有需要便會出現，更為可愛。事後，他否認這番得獎言論「有骨」，只表示：「最唔抵係輸畀我老婆！」
其實Chilam急急腳是趕過海與太太約會，因為兩公婆曾經打賭視帝賽果，最終未能封帝的Chilam立即兌現承諾，在餐廳乖乖奉上價值六位數字的手鈪給靚靚，難怪他笑言失掉視帝，全香港最開心的人一定是她，靚靚才是真正的Winner。而靚靚還得戚表示入行多年，早已明白遊戲規則，她甚至可以做高層。
提到《衝上雲霄II》兩位機長都雙雙落敗，Chilam表示：「係大部分人的心水，我要尊重意見。」至於他在台上質疑TVB待他不好，Chilam即解釋那番話只是講笑，並無惡意，輸掉視帝也沒有不開心，他重申：「唔係唔玩得呀？（怕唔怕激嬲TVB？）唔會啦，搞下氣氛啫。（奪最受歡迎角色獎是否意料之內？）我諗住食白果喎，總之四個字：『心滿意足』。」