楊怡無信心冧莊 鍾嘉欣視后大熱

無綫台慶頒獎禮下月16日舉行，鍾嘉欣和楊怡分別憑《巨輪》及《On Call 36小時II》角逐視后，被捧成大熱的鍾嘉欣面對去年視后楊怡表現謙虛，楊怡卻擔心今年零得票，決定投自己一票。
曾志偉、楊怡及鍾嘉欣昨日出席麥當勞大富翁宣傳活動，兩位入圍視后佩戴價值百萬元鑽飾現身，重視程度媲美無綫台慶。鴻運當頭的楊怡即場抽中雙人地中海郵輪獎品，她被曾志偉取笑可以跟大隻哥哥（緋聞男友羅仲謙）去旅行，楊怡即推說會邀請志偉同行，場面尷尬又搞笑。
近期工作密麻麻的楊怡表示，即使抽中旅遊大獎都要騰出時間，加上本身怕水，其實對郵輪假期不太熱衷。身旁的鍾嘉欣即嚷着要組成姊妹團結伴度假。笑問二人會否帶另一半同行？楊怡即表示：「唔使啦，得兩個人免費，度期先啦。」至於二人雙雙競逐視后，嘉欣感到開心，但否認視楊怡為勁敵。去年已封視后的楊怡卻輕鬆得多，問她會否支持嘉欣？她笑言：「我會投畀自己，驚今年無人投畀我。（至少有謙仔一票？）我仲有屋企人投票嘅。」
志偉無官一身輕
曾志偉大談視帝心水，睇好吳鎮宇，如揀偶像派是張智霖，但黃子華新劇出街又會有着數。志偉強調有觀眾投票參與，結果隨時出人意表。
刻下志偉不再擔任演藝人協會主席，是否無官一身輕？他表示：「離職後仍會為演協會員服務，稍後前往馬來西亞出席活動。」提到剛舉行的演協周年晚會，志偉自嘲一早已經「斷片」，當晚發生的事情都已忘掉。志偉笑言：「反而記得我生日那晚，敬酒時被人撞一撞，成支紅酒倒落陳寶珠的白色冷裙，想賠番一條新裙，但寶珠姐又話唔使，令我十分內疚。」另外，有報道指甄珍和劉家昌離婚，志偉表示跟對方不熟，要是消息屬實確實可惜。