梁朝偉昨日獲亞洲電影博覽會頒發「傑出演員大獎」，雖然偉仔奪獎無數，但他聲言無意仿效某些歌手不再攞獎。而近日他忙於為梅艷芳紀念音樂會綵排，他笑言：「唔好畀壓力我。」
亞洲電影博覽會昨天表揚多位對電影業作出貢獻的人，梁朝偉獲頒「傑出演員大獎」，他謙稱：「這30年真係好幸運，運氣好再加上各方面配合，無論在資源和合作的團隊，我生長在電影電視最黃金的年代，遇上很多很好的製作。這不是單憑一個人可以做到的成績，多年來得到同業肯定，還有傳媒朋友同觀眾的支持，是一步一步建立起來。」偉仔又稱對未來沒有特定的目標，只管投入去做，盡能力做好自己的崗位。
入圍亞太已感高興
《一代宗師》梁朝偉在金馬獎敗給《郊遊》的李康生，二人將在亞太影展再次碰頭，問他可有信心贏回一仗？偉仔輕鬆表示：「唔係自己先識得演戲，每個演員都有付出，每個人都需要在頒獎禮上得到鼓勵。入圍已經得到認同，應該高興，得獎與否係畀較值得鼓勵的一個。」再問他可曾想過不再攞獎？他肯定回答：「唔會，有又開心，見人得獎又開心，無需要咁決絕。」
已過了50歲的偉仔，曾演繹角色多不勝數，問他覺得戲中角色難演，還是現實生活的自己較難演繹？偉仔笑了一笑，並說：「現實生活難好多，拍戲其實係一個很簡單的世界，有劇本和背景，跟住去做就得。」
為阿梅紀念騷開金口
提到太太劉嘉玲日前在北京度過生日，偉仔表示當天沒有跟她慶祝，但整個12月有聖誕又有新年，幾乎每天都可以慶祝。今年聖誕未必會出埠，因為偉仔自爆在本月30日參與梅艷芳紀念演唱會，近日已忙於綵排。問他會否獻唱阿梅生前最喜歡他的一首歌《矇矓夜雨裏》？偉仔笑言由張學友安排好了，本身旨在出一分力，他說：「唔好畀壓力我，又唔係歌唱比賽，拎個心出來就夠。」
沒有留言:
張貼留言