變性人Poyd唔敢再錫家輝

在電影《掃毒》中，張家輝和泰國最美變性人Poyd的一幕激吻戲成為焦點。電影公司前晚舉行慶功宴，Poyd專程來港補祝家輝生日，可惜只是借巨型紙板香吻作狀錫家輝。
張家輝今年主演電影票房大豐收，繼《激戰》票房衝破4,000萬元，《掃毒》甫開畫四天已收逾1,060萬，家輝既高興又滿意。他笑言：「每日都有留意票房，日日多啲，好似睇股市咁。」
原班人馬度期拍續集
導演陳木勝考慮拍續集，基本上沿用原班人馬，但故事會重新編寫。Poyd曾表示很喜歡古天樂，家輝聞言即打趣謂：「梗係好啦，佢（古仔）咁正。」如果在續集再來一次親熱戲，家輝可會頂得住？他強調要是劇情需要絕無問題，即使拍床戲，只要是信得過的導演都無所謂。
提到家輝與Poyd的咀戲惹來關詠荷略有微言，難道不怕老婆再次不滿？家輝即帶笑推說：「我係藝術家。」他又自爆老婆在睇戲期間感動到抹眼淚，但到那場親熱戲時即遮住了雙眼。至於身旁的Poyd亦表示在泰國拍咀戲十分有經驗，更謂：「我和家輝拍咀戲前漱口，當地人個個都畀Like。」
不過，家輝坦言明年檔期已爆滿，未知能否抽空演出，他最希望原班人馬拍喜劇，又或者拍文戲平衡一下，甚至是重口味題材也可以，但不一定要親熱戲。對於家輝講明冇期，陳木勝表示：「江湖規矩照排隊囉。」至於會否撮合Poyd與古仔成為一對？導演即笑謂：「佢兩個自己交往一下。」